Grondlagen vun der Lizenséierung

Wat ass eng Softwarelizenz?

Software ass dat geeschtegt Eegentum vum Hiersteller, deen se crééiert huet. Geeschtegt Eegentum gëtt duerch d’Urheberrecht gesetzlech geschützt. Fir dee legalen Asaatz vu Software ass et duerfir noutwendeg, dass den Urheber een Notzungsrecht erdeelt. Dëst geschitt a Form vun enger Lizenz. Fir all Software, déi een asetzt, brauch een also eng Lizenz. Mat enger Softwarelizenz kritt Dir d’Recht, eng bestëmmte Softwareversioun ënner Beuechtung vun den Notzungskonditiounen, déi den Hiersteller opgestallt huet, ze benotzen.

Software kann een duerfir strenggeholl net “kafen”. Dir kënnt zwar d’Eegentum um Datenträger kafen, awer net un deër geeschteger Créatioun “Software”. Fir dës kënnen anzesetzen, braucht Dir eng Lizenz. D’Notzungsrecht dovunner kann zäitlech begrenzt oder onbegrenzt erdeelt ginn.

Wat ass ee Lizenzkontrakt?

Bei urheberrechtleche Lizenzkontrakter handelt et sech ëm Kontrakter, an deenen net-ausschléisslech oder ausschléisslech Rechter zougestan kënne ginn. An de Konditioune vum Kontrakt gëtt festgehal, wat fir Rechter am eenzelnen zougestan ginn. Eventuell kann hei och festgeluegt ginn, zu wat fir enge Géigeleeschtunge sech de Lizenzkeefer engagéiert, ob Kontraktstrofen bei Netanhalen ufaalen oder ähnleches.

Den Accord vu béide Kontraktparteien ass bei engem Lizenzkontrakt ëmmer erfuerdert. End-Clientën kënne beim Kaf vun enger Software duerch ee Lizenzkontrakt mat Microsoft all noutwendeg Kontraktinformatiounen am Endnotzer-Lizenzkontrakt (EULA – End User License Agreement) fannen. Den EULA erklärt hinnen, a wat fir engem Ëmfang d’Software agesat däerf ginn. Dacks enthält en och eng zousätzlech, fräiwëlleg Hierstellergarantie an informéiert eventuell och iwwer verschidde Notzungsrestriktiounen am Zesummenhang mat deër bestëmmter Software.

Beim Ofschloss vun engem Volumenlizenzkontrakt fannt Dir all wichteg Bestëmmungen an deenen entspriechende Kontraktënnerlagen souwéi an deenen aktuelle Produktnotzungsrechter.

Wat ass een Downgrade-Recht?

Mat Hëllef vum Downgrade-Recht, dat an de Volumenlizenzprogrammer standardméisseg disponibel ass, kënnt Dir eng Lizenz vom jeweils aktuelle Produkt erstoën an eng Virgängerversioun vun der Software benotzen. Dat bedeit, dass Dir iwwert dat sougenannten Downgrade-Recht Virversioune vun deene vun Iech lizenséierte Produkter benotzen däerft.

Wat ass d’Re-Imaging-Recht?

Mam Re-Imaging-Recht kritt Dir d’Méiglechkeet, an Äerer Entreprise op Basis vun engem Standard-Image eng Rei vun Apparater ze installéieren. Re-Imaging bedeit d’Ufäerdegen an d’Verdeelen vun engem Image, an deems ee Volumenlizenzmedie benotzt. De Sënn an Zweck dovunner ass, d’Bild vun enger Standardkonfiguratioun opzestellen, déi dann an der ganzer Entreprise agesat ka ginn. An de Volumenlizenzkontrakter ass d’Re-Imaging-Recht enthaalen.

Wat versteet Microsoft ënnert der Multi-Language-Regelung?

Wann Dir eng aaner Sprochversioun vun engem Produkt benotze wëllt, dat an engem Volumenlizenzprogramm lizenséiert ass, ënnerläit d’Notzung vun der aanerer Sprochversioun de Produktnotzungsrechter fir déi lizenséiert Versioun.

Wat si Produktnotzungsrechter?

D’Microsoft-Produktnotzungsrechter enthalen déi Lizenzbestëmmungen, déi d’Noutzung vu Microsoft-Software am Kader vun de Microsoft-Volumenlizenzprogrammer betreffen. Hei fannt Dir d’Rechter an d’ Restriktiounen zu der Notzung vun deër Software, déi Dir an engem Volumenlizenzprogramm kaaft hutt. Fir all Produkt, dat an engem Volumenlizenzprogramm vu Microsoft disponibel ass, sinn d’Notzungsrechter hei verzeechent.

Wat ass den Endnotzerlizenzkontrakt (EULA)?

Den Endnotzerlizenzkontrakt (EULA – End User License Agreement) entsprëcht zum groussen Deel deene gesetzleche Bestëmmungen zum Urheberrecht, déi souwisou gëllen, a konkretiséiert gläichzäiteg d’Recht, fir d’Software ze benotzen. De Kontrakt informéiert Iech iwwert bestëmmte Restriktiounen zu deër jeweileger Software an enthält den Abschnitt “Lizenzeinräumung”, wouranner steet, wéi Dir d’Software benotzen däerft. Den EULA enthält och Restriktioune géint d’Zréckentwëckelen (reverse engineering), Verleasen oder Verloune vun der Software souwéi zousätzlech, vun deër jeweileger Software ofhängeg Aschränkungen. Ausserdem beschreiwt den EULA, ënner wat fir enge Konditiounen Dir Sëcherungs- oder Archivéierungskopien vun der Software maachen däerft an erklärt eventuell déi fräiwëlleg Hierstellergarantie fir d’Produkt, déi dem Client niewent deene gesetzleche Garantierechter vis-à-vis vum Verkeefer zousteet.

Wat enthält d’Dokument Microsoft „Produktbestëmmungen?

D’Dokument „Produktbestimmungen für Microsoft-Volumenlizenzierung“ ass Bestanddeel vun Äerem Microsoft-Volumelizenzkontrakt. Et ass den Nofolger vun de Produktnotzungsrechter (Product Use Rights, PUR) a vun der Produktlëscht (alle béid am Juni 2015 agestallt). Wann Dir wësse wëllt, wéi ee bestëmmt Produkt lizenséiert gëtt oder d’Eenzelheeten vun der Verwendung vun dësem Produkt ënnert de Bestëmmungen vun Äerem Lizenzkontrakt sicht, da fannt Dir dës Informatiounen am Allgemengen an de Produktbestëmmungen. D‘Produktbestëmmungen beschreiwen d’Disponibilitéit vun de Produkter no Volumelizenzprogramm souwéi d’Bestëmmungen fir d’Bereetstellung an d’Notzung vu Software.

Wat stécht hannert der Microsoft-Produktaktivéierung?

D’Microsoft-Produktaktivéiereung ass ee wichtege Schrack géint dat onerlaabt Kopéieren an de Mëssbrauch vu Software. Dës Mesure soll éierlech Konsommateure virum Asaatz vun net originale Software-Produkter schützen.  Well nëmmen deen, dee rechtméisseg kaafte Software asetzt, ka vu wichtegen Avantagen wéi z.B. Support oder Upgrade-Offere profitéieren. Konkret soll mat Hëllef vun der Produktaktivéierung verhënnert ginn, dass Software-Produkter mat deemselwechte Product Key op ville Computere gläichzäiteg installéiert  a gestart kënne ginn.

Als Client vun engem Volumenlizenzprogramm kritt Dir Volume License Product Keys, mat deenen administrativ Installatiounen an Netzwierk-Installatioune méiglech sinn, ouni dass all Lizenz eenzel vis-à-vis vu Microsoft aktivéiert muss ginn.

Text in Englesch Däitsch Franséisch