Dassault Systèmes

Dassault Systèmes (DS) ass eng franséisch Software-Entwécklungs-Entreprise fir Product-Lifecycle-Management (PLM)-Léisungen. Dassault Systèmes huet CATIA entwéckelt, eng maartféierend CAD/CAM-Applikatioun, a gehéiert zum Dassault-Groupe.

Am Laf vun de Joren goufe weider Softwaresystemer aus anere Beräicher vun industriell genotzter Software an d’Produktpalette vun Dassault Systèmes opgeholl. Doraus huet d’Entreprise folgend Marken entwéckelt:

  • CATIA als 3D-CAD/CAM-Software für integréierte Produktdesign
  • DELMIA als Léisung fir déi digital Produktionsplanung, -simulatioun an Ofsécherung vun der Planung
  • ENOVIA als PDM-System
  • 3DVIA fir d’Erstelle vun interaktiven 3D-Inhalter
  • Exalead fir d’Recherche vun Donnéën a sich-baséiert Applikatiounen
  • Netvibes als Startsäiten-Déngscht
  • SIMULIA als Plattform fir FEM-Simulatiounen (z.B. Abaqus)
  • SolidWorks fir mechanischen 3D-Design.

D’Distributioun vun den Dassault Systèmes-Léisungen gouf laang Zäit exklusiv vun IBM mat sénge Partneren durchgefouert. Zënter 2005 huet Dassault Systèmes een eegent Distributiounsnetz an huet 2010 de Product-Lifecycle-Management-Beräich vun IBM iwwerholl.

2006 huet Dassault Systèmes säi Léisungsspektrum op 11 Branchen erweidert. Och d’Zielgruppen an deenen eenzelne Branchen goufe successiv vergréissert: der Visoun vun der Entreprise “3D for all“ no huet Dassault Systèmes 3D-Uwendungen entwéckelt fir all déi, déi un der Produktentwécklung bedeelegt sinn – vum Designer iwwert de Konstrukteur bis bei d’Marketing-, Distributiouns- a Service-Mataarbechter.

Gegrënnt am Joer 1981, huet Dassault Systèmes SE säi Sëtz zu Vélizy-Villacoublay, Frankräich.

News